Ég starfa sem stjórnendaþjálfi, kennari og fyrirlesari og ég vinn með öllum sem vilja ná árangri og styrkja sig í starfi með því að eiga betri samskipti við sjálfa sig og aðra.

Ég held fyrirlestra og er með vinnustofur og fræðslu um samtöl, sálrænt öryggi og bætt samskipti á vinnustöðum.

Ég er með námskeið hjá EHÍ og nánari upplýsingar eru á síðu þeirra

• Árangursríkari starfsmannasamtöl

• Að taka samtalið

• Foreldraviðtalið

Ég er viðskiptafræðingur frá Háskólanum á Bifröst og alþjóðlega vottaður NLP Master Coach markþjálfi. Ég lauk einnig diplómanámi í Verkefnastjórnun og leiðtogaþjálfun frá EHÍ. Ég hef meira en tuttugu ára reynslu af störfum innan fjármálageirans og víðtæka stjórnunarreynslu. Ég hef starfað sem stjórnendaþjálfi frá árinu 2021 og unnið með fjölmörgum einstaklingum og fyrirtækjum, bæði hérlendis og erlendis.

Ég hef setið í stjórn Félags markþjálfa á Íslandi og verið í fagráði Stjórnvísi um markþjálfun.  Ég er meðlimur í ICF e.International Coach Federation,  sem eru stærstu alþjóðlegu fagsamtök markþjálfa og starfa samkvæmt siðareglum ICF.

Vegferð mín sem markþjálfi hófst árið 2011 þegar ég hóf nám hjá Bruen. Þar lauk ég 240 stunda námi sem markþjálfi, fyrst sem NLP practioner coach og svo framhaldsmenntun sem NLP Master Coach árið 2013. Stofnandi og eigandi Bruen var Hrefna Birgitta Bjarnadóttir sem margir þekkja en hún hélt námskeið árum saman bæði á Íslandi og í Noregi. Bruen er ekki starfandi lengur þar sem Hrefna Birgitta er hætt að vinna sökum aldurs.

Ég bætti við mig framhaldsnámi í markþjálfun hjá Profectus með áherslu á teymisþjálfun í maí 2023 og vinn að PCC vottun í samræmi við kröfur ICF.

Auk þess hef ég farið á ótal vinnustofur og námskeið erlendis, hér heima og á netinu og það er gaman að fylgjast með þeim breytingum sem eru að eiga sér stað og mikilvægt að sinna stöðugri endurmenntun.