Viltu styrkja þig ?

Ef að þú ert með marga bolta á lofti í krefjandi starfi og vilt skerpa fókusinn þinn og fá betri yfirsýn og árangur þá er árangursríkt að koma í stjórnendaþjálfun og styrkja þig sem stjórnanda. Fyrir þá sem eru í krefjandi umhverfi er líka mikilvægt að huga vel að eigin velferð, passa upp á streituna og setja heilbrigð mörk á milli vinnu og einkalífs. Það er krefjandi að bera ekki bara ábyrgð á sinni frammistöðu heldur líka frammistöðu teymisins.

Hvort sem þú ert nýr stjórnandi eða býrð yfir mikilli reynslu þá er það ómetanlegt að gefa sér rými til að hugsa upphátt og fá speglun á sig og vinna með stjórnendaþjálfa sem hefur það eina hlutverk að hjálpa þér að finna þína bestu leið til árangurs með aðferðum markþjálfunar.

Inga Þórisdóttir

Inga Þórisdóttir starfar sem stjórnendaþjálfi og hefur hún yfir tuttugu ára reynslu af störfum innan fjármálageirans og víðtæka stjórnunarreynslu. Í störfum sínum sem stjórnandi hefur Inga lagt áherslu á góð samskipti á vinnustað og uppbyggingu sterkrar liðsheildar þar sem traust og menning stöðugra umbóta ríkir.

Meira um Ingu >

Ánægðir viðskiptavinir

  • “Í störfum mínum hjá RÚV hef ég nýtt þjónustu Ingu í formi stjórnendaþjálfunar með reglulegu millibili. Inga hefur hjálpað mér að spegla flókin starfsmanna- og skipulagsmál á jákvæðan og faglegan hátt. Að fá álit óháðs aðila er dýrmætur kostur fyrir stjórnendur. Reynsla Ingu og kraftar hafa sannarlega hjálpað mér og mínum stjórnendum að ná enn betri árangri í starfi.”

    Bragi Ragnarsson, Yfirmaður tæknimála RÚV

  • “Inga er einstaklega hvetjandi og góður hlustandi. Hún er með mjög góða innsýn í störf og áskoranir stjórnenda. Hún spyr réttu spurninganna þannig að heildarmyndin verður skýrari og hefur hjálpað mér að sjá hlutina í öðru ljósi. Þjálfunin hefur hjálpað mér að skerpa fókus og öðlast betri yfirsýn. Ég gef Ingu mín bestu meðmæli.”

    Inga Hrund Arnardóttir, Fjármálastjóri Orkunnar

  • Ég hef  farið í markþjálfun hjá Ingu og get ég eindregið mælt með henni sem markþjálfa. Hún er réttsýn og spyr réttu spurninganna sem ýta við manni og hjálpa manni að finna hið rétta svar. Hún hefur þann kost að tala umbúðalaust en ávallt af mikilli virðingu og umhyggju sem fær mann virkilega til að hugsa hlutina upp á nýtt."

    Björgheiður Albertsdóttir, Mannauðsstjóri Mannvit 

  • ”Ég hef sótt stjórnendaþjálfun til Ingu Þórisdóttur. Þar hefur hún unnið með mér við að ná yfirsýn yfir áskoranir í stjórnendahlutverkinu. Ég get mælt heilshugar með Ingu og tel hana sýna mikla fagmennsku í sínum störfum.”

    Hrafnhildur Arnkelsdóttir, Hagstofustjóri, Hagstofu Íslands

  • „Fjarskiptastofa hefur nýtt sér stjórnendaþjálfun hjá Ingu Þórisdóttur með það að markmiði að styðja við starfsfólk í krefjandi verkefnum. Öllum starfsmönnum hefur staðið til boða að koma í ráðgjöf til hennar til að styrkja sig og efla í starfi og ná jafnvægi milli vinnu og einkalífs. Inga hefur lag á að hjálpa fólki til að finna sína bestu leið og hefur ríkt mikil ánægja meðal þeirra sem hafa þegið að leita til hennar.“

    Hrefna Ingólfsdóttir, sviðsstjóri Rekstrar Fjarskiptastofu

Meðal viðskiptavina

  • RÚV

  • Hagstofa Íslands

  • Fjarskiptastofa

  • Sjúkratryggingar

Via optima

Fyrirtækið heitir Via Optima, sem er latína og þýðir „besta leiðin“.  Það á vel við tilgang starfseminnar því að hver og einn finnur sína bestu leið og það sem er rétt fyrir hann til að ná árangri í lífi og starfi. Áhersla er lögð á fagleg vinnubrögð, heiðarleika og traust í samskiptum og persónulega þjónustu.